ភ្នំពេញ@.ក្រោយពីបានទទួលបណ្តឹងពីជនរងគ្រោះពាក់ព័ន្ធនឹងការកម្ចីអនឡាញ នៅថ្ងៃទី២៦ ខែធ្នូ ឆ្នាំ២០២៣ ដោយមានការឯកភាពពី អយ្យការអមសាលាដំបូងរាជធានីភ្នំពេញ នាយកដ្ឋានប្រឆាំងបទល្មើសបច្ចេកវិទ្យា បានឃាត់ខ្លួនជនសង្ស័យម្នាក់ ឈ្មោះ សំ ចាន់ធឿន ភេទប្រុស អាយុ៣០ឆ្នាំ ពាក់ព័ន្ធការផ្តល់ប្រាក់កម្ចីអនឡាញដោយគ្មានច្បាប់អនុញ្ញាត្ត បរិហារកេរ្តិ៍ និងក្លែងឯកសារ ហើយបានបញ្ជូនទៅតុលាការដើម្បីអនុវត្តនីតិវិធីបន្ត។ បច្ចុប្បន្នជនសង្ស័យខាងលើត្រូវបានតុលាការសម្រេចឃុំខ្លួនបណ្ដោះអាសន្នដើម្បីបន្តនីតិវិធី។
