ខេត្តបន្ទាយមានជ័យ @:នៅព្រឹកថ្ងៃអង្គារ ១៣កើត ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនិងថ្ងៃទី១៥ ខែមីនា ឆ្នាំ២០២២ .
នៅវេលាម៉ោង០៩នឹង០១នាទី ដោយមានការយកចិត្តទុកដាក់ពីលោក ឧត្តមសេនីយ៍ទោ សិទ្ធ ឡោះស្នងការនគរបាលខេត្តបន្ទាយមានជ័យ អនុវត្តបទបញ្ជាផ្ទាល់ពី លោកវរសេនីយ៍ឯក សួង សៅ មេបញ្ជាការ វរសេនាតូចនគរបាលការពារព្រំដែនគោកលេខ ៨១៥ ។
កម្លាំងប៉ុស្តិ៍ស្ពានម៉ាឡៃចំនួន០៤នាក់ ដឹកនាំដោយ លោកអនុសេនីយ៍ទោ ឈុន ឈិតណារ៉ុង នាយរងប៉ុស្តិ៍នគរបាលការពារព្រំដែនគោកនៃវរៈសេនាតូចលេខ៨១៥ សហការជាមួយកម្លាំងយោធាចំនួន០២នាក់ ក្រុមគ្រូពេទ្យ មន្ទីរពេទ្យបង្អែកម៉ាឡៃសន្តិភាព បានយកសំណាក ពីប្រជាពលរដ្ឋថៃ លទ្ធផល អវិជ្ជមាន(រយះពេលយកសំណាក ៧២ម៉ោង)
ធ្វើការត្រួតពិនិត្យរថយន្តដឹកទំនិញឆ្លងកាត់ និងណែនាំដល់ប្រជាពលរដ្ឋខ្មែរ ដែលចេញចូលនៅច្រកទ្វារតំបន់ម៉ាឡៃ ពីវិធីបង្កាការពារ ការរាលដាលនៃជំងឺ Covid-19 នៅច្រកទ្វារតំបន់ម៉ាឡៃ ស្រុកម៉ាឡៃ ខេត្តបន្ទាយមានជ័យ។
សូមបញ្ជាក់ថា៖នាថ្ងៃទី១៥ ខែមីនា ឆ្នាំ២០២២នេះ វេលាម៉ោង១១នឹង៣០នាទី ប្រជាពលរដ្ឋចំនួន០៩នាក់ (ស្រី០៣នាក់) វិលត្រឡប់ពីប្រទេសថៃ តាមភូមិសាស្ត្រប៉ុស្តិ៍សង្កែ (ចំណុចកំពង់បងសល់) ពួកគាត់មានទីលំនៅក្នុងខេត្តទាំង០៤គឺៈ
១. សៀមរាបចំនួន ០២នាក់
២. ព្រៃវែងចំនួន០២នាក់
៣. កំពត ចំនួន៤នាក់
៤. បន្ទាយមានជ័យចំនួន០១នាក់
បន្ទាប់ពីធ្វើការណែនាំស្ដីពីការឆ្លងរាលដាលរបស់ Virus Covid-19 រួច កម្លាំងប៉ុស្តិ៍សង្កែចំនួន០៣នាក់ ដឹកនាំដោយ លោកវរសេនីយ៍ត្រី ឡុក ធី នាយប៉ុស្តិ៍ សហការជាមួយកម្លាំងប៉ុស្ដិ៍រដ្ឋបាលឃុំបឹងបេង កម្លាំងយោធាកងពលតូចលេខ៥១ បានប្រគល់ពួកគាត់ជូនគ្រូពេទ្យពិនិត្យ ដឹកទៅមណ្ឌលសំចតចំបក់នៅស្រុកម៉ាឡៃ ខេត្តបន្ទាយមានជ័យ។
ហើយនៅថ្ងៃដដែលវេលាម៉ោង ១៤នឹង២០នាទី ប្រជាពលរដ្ឋ សរុបចំនួន ១០៥នាក់ (ស្រី៤០នាក់ កុមារ២៤នាក់) វិលត្រឡប់ពីប្រទេសថៃ តាមភូមិសាស្រ្តប៉ុស្តិ៍ចំបក់ ពួកគាត់មានទីលំនៅក្នុងខេត្ដទាំង០៧គឺ៖
១.ប/ជ ២១នាក់
២.បាត់ដំបង ១០នាក់
៣.សៀមរាប ២៨នាក់
៤.ពោធិ៍សាត់ ៣៤នាក់
៥.ត្បូងឃ្មុំ ០៨នាក់
៦.កំពង់ធំ ០២នាក់
៧.ឧត្ដមានជ័យ ០២នាក់
បន្ទាប់ពីធ្វើការណែនាំស្ដីពីការឆ្លងរាលដាលរបស់ Virus Covid-19 រួច កម្លាំងប៉ុស្ដិ៍ចំបក់ចំនួន០២នាក់ ដឹកនាំដោយលោកវរសេនីយ៍ត្រី ប៊ុន គុន នាយប៉ុស្តិ៍ សហការជាមួយគ្រូពេទ្យ មន្ទីរពេទ្យបង្អែកម៉ាឡៃសន្ដិភាព កម្លាំងផ្នែកសឹករងស្រុកម៉ាឡៃ និងកម្លាំងប៉ុស្ដិ៍រដ្ឋបាលឃុំបឹងបេង បានប្រគល់ពួកគាត់ជូនក្រុមគ្រូពេទ្យ ដើម្បីយកសំណាកធ្វើតេស្តរកមេរោគកូវីដ-១៩ ៕
រាយការណ៍ដោយលោក: ស ប៉ាន
សម្របសម្រួលអត្ថបទដោយលោក: អុឹម ឈិន ប្រជាប្រិយ៣.
ទូរស័ព្ទទំនាក់ទំនងផ្សាយពាណិជ្ជកម្មលេខ: ០១១ ៨០ ៦៦ ៧៦ /០៩៧ ៦៨១ ៦៦០៨។
សូមអរគុណ.
