-នៅរសៀលថ្ងៃចន្ទ ១០កេីតខែចេត្រឆ្នាំឆ្លូវត្រីស័កព.ស.២៥៦៥ត្រូវនឹងថ្ងៃទី១១ខែ មេសា ឆ្នាំ២០២២ នៅបរិវេណស្នងការដ្ឋាននគរបាលខេត្តបាត់ដំបងឯកឧត្តម NGUYEN THANH VAN អគ្គកុងស៊ុល, លោកជំទាវ NGUYEN THI HUYEN កុងស៊ុល សាធារណរដ្ឋសង្គមនិយមវៀតណាមប្រចាំខេត្តបាត់ដំបង និងសហការី បានចូលជួបសម្តែងការគួរសម ព្រមទាំងជូនពរឆ្នាំថ្មីប្រពៃណីជាតិខ្មែរចំពោះលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ព្រមទាំងកម្លាំងនគរបាលទូទាំខេត្តបាត់ដំប ។
ក្នុងឱកាសនេះ ឯកឧត្តម អគ្គកុងស៊ុល បានសាកសួរសុខទុក្ខ ព្រមទាំងសម្តែងនូវការកោតសរសើរចំពោះថ្នាក់ដឹកនាំ ព្រមទាំងកងកម្លាំងនគរបាលក្នុងខេត្តបាត់ដំបងទាំងអស់ ដែលបានខិតខំបំពេញភារកិច្ចរក្សាសន្តិសុខ សណ្តាប់ធ្នាប់សង្គមនៅក្នុងខេត្ត ក៏ដូចជាបានបំពេញកិច្ចសហប្រតិបត្តិការនាពេលកន្លងមករវាងស្នងការដ្ឋាននគរបាលខេត្តបាត់ដំបង ជាមួយស្ថានអគ្គកុងស៊ុលវៀតណាមប្រចាំខេត្តបាត់ដំបង ដោយរក្សាបាននូវចំណងមិត្តភាពល្អយ៉ាងជិតស្និទ្ធ។
ជាមួយគ្នានេះ លោកឧត្តមសេនីយ៍ទោ ស្នងការ ក៏បានសម្តែងនូវការស្វាគមន៍ និងអរគុណចំពោះវត្តមាន ឯកឧត្តម, លោកជំទាវ និងសហការី អគ្គកុងស៊ុលវៀតណាម ដែលបានចំណាយពេលវេលាដ៏មានតម្លៃអញ្ជេីញ ជូនពរឆ្នាំថ្មីប្រពៃណីជាតិខ្មែរដល់កងកម្លាំងនគរបាលក្នុងខេត្តបាត់ដំបង ។
ជាចុងក្រោយលោកឧត្តមសេនីយ៍ស្នងការជំនួសមុខឱ្យកងកម្លាំងនគរបាលទូទាំងខេត្តជូនពរ ឯកឧត្តម, លោកជំទាវ និងសហការី សូមទទួលបាននូវសុខភាពល្អ និងសម្រេចជោគជ័យចំពោះបេសកកម្មការទូតជាបន្តទៅទៀត។
ជាមួយនេះ ឯកឧត្តម, លោកជំទាវ និងសហការី អគ្គកុងស៊ុលវៀតណាមបានប្រគល់ជូននូវកន្រ្តកអនុស្សាវរិយ៍ដល់លោកឧត្តមសេនីយ៍ស្នងការផងដែរ៕
រាយការណ៍ដោយលោក រតនា គង់
សម្របសម្រួលអត្ថបទដោយលោក: អុឹម ឈិន ប្រជាប្រិយ៣ ទូរស័ព្ទទំនាក់ទំនងផ្សាយពាណិជ្ជកម្មលេខ: ០១១ ៨០ ៦៦ ៧៦.( សូមអរគុណ)។
