(កំពង់ស្ពឺ)៖នាព្រឹកថ្ងៃទី២០ ខែវិច្ឆិកា ឆ្នាំ២០២៤ លោកវរសេនីយ៍ឯក ភូ ឌីសាឌីន មេបញ្ជាការរង តំណាងដ៏ខ្ពង់ខ្ពស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ បានដឹកនាំក្រុមការងារកងរាជអាវុធហត្ថ អញ្ជើញចុះសួរសុខទុក្ខ លោកស្រី ធុច សុម៉ាលី ភរិយារបស់លោកនាយចំណង់ កេត ឧត្តម ជំនួយការ កងរាជអាវុធហត្ថស្រុកឱរ៉ាល់ ដែលទើបនិងសម្រាលកូនហើយកំពុងសម្រាកថែទាំសុខភាពបន្តនៅគេហដ្ឋាន ស្ថិតនៅភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ។
ក្នុងឱកាសចុះសួរសុខទុក្ខនោះ ក្រុមការងារកងរាជអាវុធហត្ថក៏បានពាំនាំនៅការផ្តាំផ្ញើរសួរសុខទុក្ខពី លោកឧត្តមសេនីយ៍ត្រី ម៉េង ស្រ៊ុន និងបាននាំយកនូវអំណោយជាថវិកាចំនួន ២០ មុឺនរៀល ព្រមទាំងគ្រឿងឧបភោគបរិភោគមានដូចជា អង្ករ ០២ប៉ាវ,ទឹកសុទ្ធ ០២កេស,មីម៉ាម៉ា ០២កេស,ទឹកផ្លែឈើ ០២កេស,ត្រីខ ០២យួរ និងនំ ០២ប្រអប់ផងដែរ។
ដោយ ម៉ម ពន្លឺ
